Mbështetje financiare për sportistët dhe trajnerët pas Lojërave Mesdhetare
Ministri i Sportit dhe Rinisë ka aprovuar mbështetje financiare prej 70,500 eurosh për sportistët dhe trajnerët që fituan medalje në Lojërat Mesdhetare Taranto 2026.
Ministri i Sportit dhe Rinisë ka aprovuar mbështetje financiare për sportistët dhe trajnerët e Kosovës që kanë fituar medalje në Lojërat Mesdhetare Taranto 2026. Blerim Gashani ka bërë të ditur vendimin nëpërmjet një postimi, ku ka shpjeguar se mbështetja e njëhershme financiare kap vlerën e përgjithshme prej 70,500 eurosh. Këto mjete janë ndarë si shpërblim për rezultatet e arritura nga sportistët dhe trajnerët kosovarë në këtë ngjarje të rëndësishme ndërkombëtare.
Sipas skemës së prezantuar, shuma e shpërblimit për secilin përfitues përcaktohet në bazë të ngjyrës së medaljes së fituar gjatë garave në Lojërat Mesdhetare Taranto 2026. Ky vendim vjen si një formë vlerësimi dhe mbështetje institucionale për përpjekjet dhe sukseset e arritur nga sportistët e vendit tonë në arenën ndërkombëtare, duke nxitur dhe motivuar ata për vazhdimësinë e rezultateve pozitive në të ardhmen.