Si u zgjodh Rrustem Thaqi kryesues i KGJK-së pas dështimit të 30 prillit?
Gjyqtari i Gjykatës Supreme merr postin pas dështimit të zgjedhjes më 30 prill, kur kandidatët patën barazim.
PRISHTINË — Këshilli Gjyqësor i Kosovës ka zgjedhur Rrustem Thaqin kryesues të KGJK-së me 6 vota pro. Kundërkandidati Besnik Bislimaj, gjyqtar në Gjykatën e Apelit, mori 5 vota. Në votim morën pjesë 11 anëtarë.
Thaqi, gjyqtar në Gjykatën Supreme, do të fillojë mandatin trevjeçar nga sot. Të dy kandidatët nuk mbajtën fjalim para votimit, pasi kishin paraqitur vizionet në konkursin e kaluar.
Zgjedhja vjen pas dështimit më 30 prill, kur Thaqi dhe Bislimaj morën nga 5 vota dhe u desh rishpallje. KGJK e kishte hapur konkursin më 12 mars. Mandatin e fundit e ka mbajtur Albert Zogaj, gjithashtu nga Gjykata Supreme.
Burim: Zëri
— Redaksia ZHURMA