Gaçe, Raçi dhe Radi mohojnë lidhjen me videot intime e paralajmërojnë hapa ligjorë
Këngëtaret Aurela Gaçe, Filloreta Raçi dhe Rozana Radi kanë reaguar publikisht pas qarkullimit të videove intime, mohojnë përfshirjen dhe premtuen ndjekje penale.
Rrjetet sociale janë përfshirë nga një valë e madhe aludimesh dhe diskutimesh lidhur me disa video intime që pretendohet se u përkasin personazheve të njohura publike. Në mesin e emrave të përfshirë në këto spekulime janë këngëtarja Aurela Gaçe, Filloreta Raçi dhe Rozana Radi, të cilat kanë reaguar publikisht dhe kanë mohuar të jenë pjesë e këtyre pamjeve. Situata ka shkaktuar reagime të shumta, ndërsa autoritetet kanë nisur hetimet për të identifikuar burimet dhe adresat që i kanë shpërndarë ato, siç njofton Albeu.
Aurela Gaçe ka reaguar përmes një deklarate të gjatë, duke mohuar kategorikisht çdo lidhje me materialet. Ajo shprehet se emri i saj është përfshirë në lajme dhe pretendime pa bazë, të cilat cenojnë drejtpërdrejt dinjitetin dhe imazhin e saj publik. Gaçe thekson se bashkëpunimet profesionale me persona të industrisë muzikore nuk mund të përdoren si shkas për të sajuar histori mbi jetën e saj private. “Ditët e fundit po shoh emrin tim të përfshihet në lajme e aludime të pabazuara. Përballë shpifjeve që cenojnë dinjitetin tim, nuk mund të hesht”, thotë ajo sipas JavaNews. Ajo shtoi se qëndrimi i saj lidhet vetëm me mbrojtjen e emrit dhe privatësisë së saj, duke deklaruar se do të ndjekë rrugën ligjore ndaj çdo publikimi që e ka si qëllim përdhosjen e emrit të saj.
Filloreta Raçi, e njohur si Fifi, ka sqaruar përmes një videoje live se nuk ka asnjë lidhje me materialet që po qarkullojnë. Ajo mohoi të ketë njohje me kompozitorin e përmendur në aludime dhe tha se nuk ka bërë asnjë këngë me të. “Nuk jam në ato video. Nuk kam asnjë lloj lidhje me kompozitorin në fjalë”, tha Fifi sipas BoldNews. Ajo shprehu shqetësimin e familjarëve të saj dhe cilësuar situatën si cenim të imazhit, ndërsa u bëri thirrje përdoruesve që të mos amplifikojnë përmbajtjet dëmtuese.
Edhe Rozana Radi ka reaguar ashpër, duke mohuar kategorikisht se shfaqet në videot e publikuara. Ajo paralajmëron se do të ndjekë rrugën ligjore dhe se do të mbajë kallëzim penal ndaj kujtdo që përpjitet ta dëmtojë reputacionin me shpifje. “Për këdo që tenton të dëmtojë emrin, imazhin apo reputacionin tim përmes shpifjeve dhe të pavërtetave, do të ketë kallëzim penal dhe do të japë llogari përpara drejtësisë”, shkruan Radi sipas BoldNews. Gjithashtu, ajo inkurajoi qytetarët që të refuzojnë shpërndarjen e këtyre materialeve që cenojnë dinjitetin e personave pa asnjë vërtetësi.