Pse vazhdojnë mbeturinat të grumbullohen në deponinë e Lakrishtës?
Në zemër të Prishtinës, mbeturina inerte dhe ndërtimore vazhdojnë të grumbullohen në lagjen "Lakrishtë" pavarësisht platformës online të komunës.
PRISHTINË — Në lagjen "Lakrishtë", një zonë e frekuentuar në mes të qytetit, po vazhdon hedhja e mbeturinave inerte dhe ndërtimore, duke formuar një deponi ilegale të improvizuar. Pamjet e siguruara nga banorët dhe dërguara në redaksinë e Telegrafi tregojnë grumbullim të përsëritur të mbetjeve, pavarësisht deklarimeve të Komunës së Prishtinës për aksione largimi.
Komuna ka lançuar së fundmi ueb-faqen "mbeturinat.com" për të lehtësuar raportimin dhe largimin e këtij lloji mbeturinash. Megjithatë, situata në terren vazhdon të jetë problematike. Banorët shprehen të shqetësuar për ndikimin në mjedis, higjienë dhe imazhin e qytetit, duke kërkuar masa konkrete për pastrim dhe parandalim.
Burim: Telegrafi
— Redaksia ZHURMA