Pse rritja e temperaturave rrisin rrezikun nga pickimi i rriqrave?

— Rritja e temperaturave dhe qëndrimi më i shpeshtë në natyrë rrisin rrezikun nga pickimi i rriqrave, të cilët mund të transmetojnë sëmundje që mund të ndikojnë seriozisht në shëndetin e njerëzve. Rriqrat zakonisht gjenden në zona me bar, shkurre dhe vende me lagështi. Ato mund të kapen në rroba ose në trup gjatë ecjeve në natyrë dhe, pas një kohe, mund të pickojnë duke futur në organizëm mikroorganizma që mund të shkaktojnë infeksione. Një nga sëmundjet më të njohura që transmetohet nga rriqrat është sëmundja e Lajmit (Lyme). Simptomat më të zakonshme janë skuqja karakteristike në lëkurë, temperatura, lodhja, dhimbjet në trup dhe shenjat e ngjashme me gripin.

Ekspertët rekomandojnë përdorimin e veshjeve të gjata gjatë qëndrimit në zona me bar dhe pyje, përdorimin e preparateve mbrojtëse dhe kontrollimin e trupit pas kthimit nga aktivitetet në natyrë. Veçanërisht duhet të kontrollohen zonat si flokët, pas veshëve, sqetullat, kërthiza, pjesa pas gjunjëve dhe zona e ijeve, ku rriqrat mund të fshihen më lehtë.

Në rast se gjendet një rriqër në trup, rekomandohet që të hiqet sa më shpejt me pincë të hollë, duke e tërhequr drejt lart. Pas pickimit, nëse shfaqen simptoma si temperaturë, lodhje ose skuqje në lëkurë, këshillohet konsultimi me mjekun.

Burim: Klan Kosova, https://klankosova.tv/rriqrat-rrezik-per-shendetin-gjate-veres-si-te-mbroheni-nga-semundjet-qe-transmetojne/
— Redaksia ZHURMA