Raporti i DASH: Gjykatat japin dënime nën minimumin ligjor për trafikantët

Departamenti amerikan i Shtetit ka publikuar raportin për trafikimin me qenie njerëzore, ku theksohet se gjykatat në Kosovë shqiptojnë dënime nën minimumin e paraparë me ligj për trafikantët. Sipas raportit, vendet e Ballkanit Perëndimor kanë shënuar disa përparime në luftën kundër kësaj dukurie, por ende u mungojnë mekanizmat efikasë dhe nuk i përmbushin kriteret ndërkombëtare për çrrënjosjen e veprimtarisë kriminale. Raporti vë në pah edhe dështimin në mbrojtjen e fëmijëve.