Vërtopi: Ndryshimet ligjore praktikisht e kanë shuar Specialen

Ndryshimet e votuara nga Kuvendi i Kosovës në Ligjin për Dhomat e Specializuara dhe Zyrën e Prokurorit të Specializuar kanë prekur në mënyrë thelbësore mënyrën se si funksionon ky institucion i drejtësisë, sipas avokatit Florin Vërtopi. Duke folur në një paraqitje televizive, ai ka vlerësuar se këto ndryshime prekin juridiksionin dhe kompetencën lëndore të gjykatës, duke sjellë mundësinë që çështje të caktuara të mos trajtohen më në Hagë, por të kalojnë për shqyrtim te institucionet vendore në Kosovë.

Vërtopi ka përmendur se dispozitat e reja, të cilat pritet të marrin nënshkrimin e presidentes, mundësojnë që pretendimet e ngritura përmes ankesave të shqyrtohen sipas rregullave të ndryshuara, ose rasteve t'u hiqet kompetenca kësaj gjykate për t'u dërguar lëndët brenda vendit. Kuvendi i kishte miratuar këto ndryshime ligjore, të cilat përfshijnë edhe kufizimin e juridiksionit, mundësinë e vuajtjes së dënimeve në Kosovë, caktimin e dënimit maksimal në pesëmbëdhjetë vjet burgim, si dhe transferimin e lëndëve jashtë kompetencës te organet e drejtësisë kosovare, pas aktgjykimit të shkallës së parë ndaj ish-krerëve të Ushtrisë Çlirimtare të Kosovës.