Pse u zgjodh Nikolla Qafoku anëtar i Akademisë së Shkencave të Washingtonit?
Prof. dr. Nikolla Qafoku është një nga pesë studiuesit e PNNL të zgjedhur këtë vit për kontributin e tij në mbrojtjen e tokës, ujërave dhe dekarbonizimin.
WASHINGTON — Prof. dr. Nikolla (Niko) Qafoku u zgjodh anëtar i Washington State Academy of Sciences (WSAS) si njërin e pesë studiuesish të Pacific Northwest National Laboratory (PNNL) të përzgjedhur këtë vit, falë kërkimeve të tij mbi mbrojtjen e tokës dhe ujërave, rehabilitimin e zonave të ndotura, bujqësinë e qëndrueshme dhe proceset e dekarbonizimit.
Studimet e tij mbi transportin dhe sjelljen afatgjatë të elementeve radioaktive dhe metaleve në tokë dhe ujërat nëntokësore kanë ndikuar në hartimin e strategjive për rehabilitimin mjedisor dhe vlerësimin e rreziqeve. Qafoku mban detyrën e Laboratory Fellow në PNNL, është profesor i asociuar në University of Washington, pedagog i jashtëm në Washington State University dhe profesor në Universitetin Bujqësor të Tiranës.
Akademia e Shkencave e Shqipërisë e ka përgëzuar profesorin për këtë arritje, duke vlerësuar punën e tij shumëvjeçare dhe bashkëpunimin e vazhdueshëm me institucionin. Seksioni i Shkencave Natyrore dhe Teknike ka miratuar propozimin për zgjedhjen e tij si Anëtar i Jashtëm i Akademisë së Shkencave të Shqipërisë, procedurë që pritet të përmbyllet sipas statutit.
Burim: KultPlus
— Redaksia ZHURMA