Hapet klasa e re e gjuhës shqipe në Bulle të Zvicrës

Një klasë e re për mësimin e gjuhës shqipe ka nisur aktivitetin e saj në qytetin Bulle, që ndodhet në kantonin e Friburgut në Zvicër. Kjo nizmë ofron mundësinë që dyzet e pesë fëmijë shqiptarë të mësojnë gjuhën amtare përmes orëve mësimore që zhvillohen rregullisht çdo të hënë dhe të mërkurë.

Hapja e kësaj klase u bë e mundur falë bashkëpunimit mes Ambasadës së Republikës së Shqipërisë në Zvicër, mësueses Xhuljeta Balla dhe prindërve shqiptarë të zonës. Gjatë një vizite në mjediset e klasës së re, ambasadori Ermal Dredha u takua nga afër me nxënësit, mësuesen dhe prindërit e pranishëm. Në kuadër të programit shumëvjeçar për mbështetjen e mësimit të shqipes në diasporë, nga ana e Ambasadës u shpërndanë edhe tekste shkollore për fëmijët pjesëmarrës.

Ambasada ka shprehur mirënjohje për angazhimin e treguar nga mësuesja dhe prindërit në ruajtjen e identitetit kulturor. «Çdo klasë e re shqipe është një vatër dijes dhe identitetit, duke u dhënë mundësi fëmijëve tanë të rriten e të integrohen në shoqërinë zvicerane, pa humbur lidhjen me gjuhën, kulturën dhe rrënjët e tyre», thuhet në njoftim.