Pse ka pritje deri në 4 orë në kufirin e Bogorodicës?
Pse kolona kilometërshe me automjete bllokojnë hapësirën ndërkufitare për hyrje në Maqedoninë e Veriut?
Redaksia ZHURMA · · Përditësuar · 1 min lexim
BOGORODICË — Që nga dita e djeshme, vendkalimi kufitar "Bogorodicë" është përballur me kolona të gjata veturash për hyrje në Maqedoninë e Veriut. Qytetarët kanë shprehur revoltë përmes rrjeteve sociale, duke ankuar se procedurat po zhvillohen shumë ngadalë, gjë që ka rritur kohën e pritjes deri në 4 orë.
Situata në këtë pikë kufitare ka shkaktuar bllokimin e hapësirës ndërkufitare për shkak të numrit të madh të automjeteve. Në të kundërt, komunikacioni për ata që dalin nga shteti për të hyrë në Greqi mbetet normal dhe pa pritje të gjata, duke treguar një mbingarkesë specifike vetëm në drejtim të Maqedonisë.
Lidhja Auto-moto e Maqedonisë (LAMM) rekomandon që udhëtarët të kontrollojnë gjendjen aktuale përmes kanaleve të saj për shkak të temperaturave të larta. Si alternativë, rekomandohet udhëtimi gjatë natës për të shmangur vapën, ndonëse koha e pritjes mbetet pothuajse e njëjtë gjatë gjithë ditës.
Burim: Tetova Sot, LAMM
— Redaksia ZHURMA
