Policia jep detaje për aksidentin ku vdiq Laurent Krasniqi
Autoritetet dhe zyrtarët shëndetësorë konfirmuan detajet mbi aksidentin e rëndë në të cilin humbi jetën ish-banori i “Big Brother VIP Kosova”, Laurent Krasniqi.
Redaksia ZHURMA · · Përditësuar · 1 min lexim
Zëdhënësja e Policisë së Kosovës për rajonin e Prishtinës, Flora Ahmeti, bëri të ditur se aksidenti në fshatin Llukar ka ndodhur mes një automjeti dhe një motoçiklete, ku si pasojë e përplasjes motoçiklisti ka vdekur dhe vdekja e tij u konfirmua nga ekipi mjekësor në QKUK.
Drejtori i Klinikës Emergjente të Qendrës Klinike Universitare të Kosovës (QKUK), Naser Syla, konfirmoi se viktima e lindur në vitin 1997 u soll nga ekipi i Ndihmës së Shpejtë pa shenja jete pas një aksidenti komunikacioni nga rrëzimi prej motori. Pavarësisht masave të reanimacionit nga ekipi kujdestar, pacienti ndërroi jetë në ora 21:40.
Ky zhvillim pason njoftimet e mëparshme mbi ndarjen nga jeta të TikTokerit të njohur dhe ish-banorit të edicionit të “Big Brother VIP Kosova”, Laurent Krasniqi, pas një aksidenti të rëndë rrugor në udhëtimin e tij me motor.
Lexo edhe
Më shumë →Kjo histori — 4 zhvillime
- 3 shtator Policia jep detaje për aksidentin ku vdiq Laurent Krasniqi · ky artikull
- 9 tetor I akuzuari për aksidentin e Laurent Krasniqit nuk deklarohet për fajësinë
- 23 tetor Laureta Kosumi bën dedikim prekës për të ndjerin Laurent Krasniqi
- 31 tetor Laurent Krasniqi kujtohet në nisje të edicionit të pestë të BBVK
