Përleshje mes tifozëve në Gjilan para ndeshjes Drita – Prishtina
Ndeshja mes Dritës dhe Prishtinës shoqërohet me incidente në Gjilan pas përleshjes mes Plisave dhe Intelektualëve.
Redaksia ZHURMA · · 1 min lexim
GJILAN — Ndeshja mes Dritës dhe Prishtinës ka nisur me probleme, pasi para derbit është shënuar një përleshje mes tifozëve prishtinas dhe atyre gjilanas. Grupi i tifozëve «Plisat» kishte udhëtuar drejt qytetit, ku atyre u janë vërsulur tifozët vendas «Intelektualët».
Faqja e tifozëve të Dritës, «Since1947», ka publikuar një video ku shihen tifozët duke u ndjekur, duke shoqëruar pamjet me mbishkrimin: «A erdhët o djem, pse po ikni more? Rrijme se po bohet mire qetu ka parki…». Pas ngjarjes kanë reaguar edhe «Plisat» përmes një postimi me fotografi nga Gjilani, ku kanë shkruar: «Kudo, kurdo. Na jena Plisat».
