Paralajmërim për mashtrime me mesazhe të rreme nga Safe City

Ministria e Punëve të Brendshme ka informuar se gjatë periudhës së kaluar është vërejtur një dukuri e sulmeve të llojit phishing, të cilat kryhen përmes mesazheve të rreme, postës elektronike, faqeve të internetit, aplikacioneve mobile dhe mesazheve në rrjetet sociale. Këto mesazhe të rreme pretendohen se vijnë nga Departamenti i Komunikacionit, si njoftim nga sistemi “Safe City”, ku përmes një linku të rremë u kërkohet qytetarëve të kryejnë pagesë për një kundërvajtje të paqenë në trafik.

Policia ka bërë thirrje që qytetarët të mos bien pre e këtij mashtrimi përderisa nuk marrin mesazh nga Ministria e Punëve të Brendshme. Njëkohësisht, është kërkuar që qytetarët të jenë të kujdesshëm gjatë përdorimit të internetit, të mos hapin lidhje dhe mesazhe të dyshimta, si dhe të mos ndajnë kurrë të dhëna personale, numra të kartelave bankare, fjalëkalime ose identifikues personalë përmes kanaleve të paautorizuara, por t'i raportojnë ato pranë institucioneve kompetente ose në bankën përkatëse.

Sipas autoriteteve, njoftimet SMS për kundërvajtje të kryer duhet të jenë nga dërguesi “MVR-SC” dhe teksti duhet patjetër të përmbajë targën e automjetit që ka kryer kundërvajtjen.