MPB: Të miturit sulmojnë një fëmijë në Shkup dhe publikojnë videon
Ministria e Punëve të Brendshme njofton se sulmi ndaj një të mituri në Bit-Pazar ka ndodhur më 9 tetor, ndërsa u denoncua në polici më 15 tetor.
Redaksia ZHURMA · · 1 min lexim
SHKUP — Një i mitur është sulmuar fizikisht nga disa bashkëmoshatarë në oborrin e një shkolle fillore në zonën e Bit-Pazarit, në Shkup, ndërsa incidenti është regjistruar me telefon dhe është publikuar në rrjetet sociale.
Sipas Ministrisë së Punëve të Brendshme (MPB), ngjarja ka ndodhur më 9 tetor, në orët e vona të mbrëmjes, kurse rasti është denoncuar në polici më 15 tetor. Denoncimi është bërë nga D.L. (43), i cili ka njoftuar se fëmija e tij u sulmua nga disa të mitur, ndërsa njërin prej tyre e njihte.
Policia njoftoi se nuk ka ende informacione nëse viktima ka pësuar lëndime dhe se nuk është specifikuar platforma ku është shpërndarë videoja, ndërkohë që po ndërmerren masa për zbardhjen e plotë të rastit.
