Orari i ndërprerjeve të rrymës për shkak të punimeve në rrjet
KEDS ka publikuar orarin e saktë dhe lokalitetet ku do të ketë ndërprerje të energjisë elektrike për shkak të punimeve të domosdoshme.
Redaksia ZHURMA · · 2 min lexim
Kompania për Distribuimin e Energjisë Elektrike në Kosovë ka njoftuar se gjatë ditës së hënë do të ketë ndërprerje të energjisë elektrike në disa rajone, si pasojë e punimeve në projekte investive dhe punimeve të domosdoshme për sigurinë e sistemit. Këto ndërpreje prekin disa lokalitete specifike sipas orarit të përcaktuar nga operatori.
Në rajonin e Pejës, nga Nënstationi 35/10 kV Peja II do të ndërpritet dalja 10 kV Rugova nga ora 09:00 deri në orën 17:00 për shkak të energjizimit të rrjetit të ri dhe demontimit të rrjetit të vjetër. Ndërkohë, në Prizren, nga Nënstationi 110/10 kV Prizreni 3 do të ndërpritet dalja 10 kV Zhupa nga ora 10:00 deri në orën 15:30 për mirëmbajtje preventive dhe pastrim të trasesë.
Në Malishevë, ndërprerja do të përfshijë daljen 20 kV J04 Carralluka nga ora 11:00 deri në orën 14:00, duke prekur rrugët Adem Jashari, Rilindja Kombëtare, Pavarësia dhe Hisni Mazreku, për shkak të intervenimeve për eliminimin e defekteve të evidentuara nga inspektimi me dron. Po ashtu, në Xërxë, nga Nënstationi 35/10 kV do të ndërpritet dalja 10 kV J08 Fortesa nga ora 09:00 deri në orën 17:00 në vendet Bellacërk, Sapniq dhe Fortesë për largimin e përçuesve dhe vendosjen e konzollave.
