Goro: Procesi ndaj meje ishte antikushtetues
Ish-kryetari i Bashkisë së Himarës i kërkon Gjykatës Kushtetuese pezullimin e dënimit me burg dhe konfiskimit të pasurisë.
Redaksia ZHURMA · · 1 min lexim
Ish-kryetari i Bashkisë së Himarës, Jorgo Goro, i është drejtuar Gjykatës Kushtetuese për të shfuqizuar vendimin e Gjykatës së Lartë që e dënoi me një vit e katër muaj burg. Goro, i hetuar nga SPAK për shpërdorim detyre dhe fshehje pasurie, kërkon gjithashtu pezullimin e zbatimit të vendimit për konfiskimin e një apartamenti deri në një vendim përfundimtar në themel.
Gjatë procesit ligjor, ish-kryebashkiaku pretendon se gjykimi ishte antikushtetues dhe se garancitë e tij ligjore u cenuan në të gjitha shkallët e gjyqësorit. Ai sjell në vëmendje vendimin e Apelit të Posaçëm, i cili në verën e vitit 2025 refuzoi kërkesën e tij për rigjykim, duke theksuar se shkeljet u kryen nga gjykatat e ulëta deri te Gjykata e Lartë.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar