Sa do të kushtojë nafta dhe benzina pas rritjes së re të çmimeve?
Çmimi maksimal i lejuar për dizelin shkon në 1.63 euro për litër, benzina në 1.54 euro.
PRISHTINË — Ministria e Industrisë, Ndërmarrësisë, Tregtisë dhe Inovacionit (MINT) ka publikuar çmimet e reja të derivateve për datën 20 maj 2026. Nafta (dizel) është shtrenjtuar për 1 cent krahasuar me ditën e djeshme, duke shkuar në 1.63 euro për litër. Benzina do të shitet me 1.54 euro për litër, ndërsa gasi me 0.75 euro për litër. Çmimet kanë hyrë në fuqi nga ora 10:00 dhe vlejnë për 24 orët e ardhshme. Rritja e vazhdueshme e çmimeve të derivateve vazhdon të rëndojë qytetarët dhe bizneset, ndërsa tregjet ndërkombëtare të naftës mbeten të paqëndrueshme. Qytetarët mund të paraqesin ankesa përmes postës elektronike të ministrisë ose në numrin pa pagesë 0800 11000.
Burim: Telegrafi
— Redaksia ZHURMA