Pse Muzeu Historik Kombëtar po rindërtohet?
Si do të ndryshojë Muzeu Historik Kombëtar pas restaurimit dhe muzealizimit?
TIRANË — Ministri i Turizmit, Kulturës dhe Sportit, Blendi Gonxhja, ka deklaruar se projekti për restaurimin, rindërtimin dhe muzealizimin e Muzeut Historik Kombëtar synon transformimin në një institucion modern dhe të denjë për ruajtjen dhe paraqitjen e trashëgimisë historike të vendit.
Gonxhja informoi se gjatë takimit hapës (Kick-off Meeting) të Asistencës Teknike për përgatitjen e Njësisë së Zbatimit të Projektit (PIU), u diskutuan hapat konkretë që do të udhëheqin zbatimin e këtij projekti strategjik.
“Ky është një proces i rëndësishëm që do të garantojë një zbatim profesional dhe transparent të projektit, me synimin për t’i dhënë Shqipërisë një Muze Historik Kombëtar modern, bashkëkohor dhe dinjitoz, në shërbim të ruajtjes dhe promovimit të trashëgimisë sonë kulturore”, u shpreh ministri.
Burim: KultPlus
— Redaksia ZHURMA
