Musliu-Shoshi: Për Ligjin e Speciales ose përfshihen rekomandimet, ose nis nga zero

Deputetja e Partisë Demokratike të Kosovës, Ariana Musliu-Shoshi, ka bërë të ditur se lidhur me Ligjin për Gjykatën Speciale ekzistojnë dy rrugë alternative. Sipas saj, çështja ose duhet të kthehet në Komisionin për Legjislacion për të diskutuar dhe përfshirë rekomandimet e propozuara, ose i gjithë procesi duhet të nisë nga pika zero.

Musliu-Shoshi ka theksuar se kjo çështje po diskutohet nga partia e saj në bashkëpunim me partitë e tjera shqiptare, ndërsa ka nënvizuar se përgjegjësia i takon secilit. Ajo ka shtuar gjithashtu se synimi kryesor i këtij angazhimi mbetet që ligji të jetë në shërbim të çlirimtarëve që po përballen me gjykimin në Hagë.