Mustafa thotë se u takua me Kurtin për bashkëpunimin PDK-VV

Rrustem Mustafa nga Partia Demokratike e Kosovës ka deklaruar se ka zhvilluar takime me përfaqësues të Lëvizjes Vetëvendosje dhe se ka gjetur përkrahje për një nismë bashkëpunimi politik, duke përfshirë edhe kryetarin e kësaj partie, Albin Kurti. Gjatë një interviste, ai ka zbuluar se Kurti kishte qenë i gatshëm të dëgjonte propozimin dhe të diskutonte rreth mundësive të bashkëpunimit ndërmjet dy subjekteve politike.

Sipas Mustafës, pas vendimit kundër ish-krerëve të Ushtrisë Çlirimtare të Kosovës, mundësitë e bashkëpunimit u kufizuan në çështje të caktuara që lidhen me mbrojtjen e trashëgimisë kombëtare dhe të UÇK-së. Ai ka theksuar se diskutimet përfshinë gjithashtu mundësinë e një marrëveshjeje për zgjedhjen e presidentit dhe hartimin e një strateggie shtetërore në mbështetje të interesave të UÇK-së.