Çitaku: Sigurohet financimi për betejën në Apel për ish-krerët e UÇK-së

Ushtruesja e Detyrës së kryetares së PDK-së, Vlora Çitaku, ka deklaruar se është siguruar financimi për fazën e apelimit të verdiktit të shkallës së parë në Hagë ndaj ish-krerëve të UÇK-së. Duke folur në një intervistë televizive, ajo theksoi se kërkesa e ekipeve të mbrojtjes ka qenë rreth 150 mijë euro në muaj, shumë kjo që sipas saj është ndarë, pavarësisht se rregullorja e Ministrisë së Drejtësisë parashikonte një shumë përgjysmë më të vogël.

Çitaku shtoi se për këtë çështje janë ndërmarrë masat e duhura dhe vendimi është marrë, duke shprehur kënaqësinë e saj me këtë proces, ndërsa vlerësoi edhe mbështetjen e paushtëzuar të Aleancës në këtë përpjekje. Ajo theksoi gjithashtu se ka ndryshuar mënyra e komunikimit me Lëvizjen Vetëvendosje dhe se ekziston një vetëdije tjetër edhe nga zyrtarët e lartë të kësaj partie, ndonëse vendimet e marra në komision mbeten në konfidencialitet.

Sipas saj, ajo ende nuk i ka takuar ish-krerët e UÇK-së pas verdiktit të shkallës së parë, por paralajmëroi se një takim i tillë do të ndodhë shumë shpejt.