Mungesa e ditarëve në shkolla, MASh angazhoi operator më të lirë

Shkollat në vend nisën mësimin pa ditarët e vitit të ri shkollor, të cilët ende nuk u janë dorëzuar shkollave. Në raftet e mësimdhënësve gjenden vetëm ditarët e vjetër, ndërsa në ditën e parë dhe të dytë mësuesit nuk patën ku t’i shkruajnë orët mësimore e as të evidentojnë mungesat e nxënësve.

Drejtori i arsimit në Komunën e Prishtinës, Arianit Elshani, tha se kjo po vështirëson mbarëvajtjen e procesit mësimor dhe se po ndërmerren veprime që mësimdhënësit të kenë lista për të evidentuar mungesat. Nga Sindikata e Bashkuar e Arsimit thanë se vonesa të tilla kanë ndodhur edhe në vitet e mëparshme dhe se është ndërruar operatori i furnizimit me ditarë.

Ministria e Arsimit dhe Shkencës, në një përgjigje për TËVË1, tha se nga ky vit shkollor ka një operator të ri me çmime ndjeshëm më të ulëta se deri më tani.

Burimet: Bota Sot; Epoka e Re; Lajmi.net; Veriu.info; Gazeta Blic (klaster 6 outlets).