Misajllovski paralajmëron rritje pagash për ushtrinë nga 1 janari
Ministri i Mbrojtjes paralajmëroi rritje pagash dhe zgjidhje për ushtarët që mbushin 45 vjeç.
Redaksia ZHURMA · · 1 min lexim
Pjesëtarët e Ushtrisë dhe punonjësit e Ministrisë së Mbrojtjes së Maqedonisë së Veriut do të përfitojnë rritje pagash duke filluar nga data 1 janari. Kështu bëri të ditur ministri i Mbrojtjes, Vllado Misajllovski, gjatë një ceremonie të zhvilluar në kazermën “Boro Menkov” në Kumanovë.
Misajllovski njoftuar se është përgatitur një zgjidhje e qëndrueshme dhe afatgjatë për statusin e ushtarëve profesionistë që mbushin moshën 45-vjeçare. Sipas tij, ky propozim është shqyrtuar tashmë në kolegjiumin e Qeverisë dhe pritet të kalojë për diskutim në mbledhjen e ardhshme qeveritare. Me këtë zgjidhje, ushtarëve do t'u mundësohet vazhdimi i karrierës deri në pensionim.
Gjatë fjalës së tij, ministri tha se parashihet edhe lidhja e një marrëveshjeje të re kolektive me sindikatat, e cila do të garantojë ruajtjen e të drejtave aktuale të punonjësve pa i cenuar ato. Po ashtu, ai deklaroi se gjatë mandatit të tij janë paguar më shumë se 26 milionë euro për çështje gjyqësore që lidhen me vitet 2019 dhe 2020.
