Mickoski synon çmim të pandryshuar të rrymës edhe pas 1 janarit

Kryeministri Hristijan Mickoski deklaroi se Qeveria do të angazhohet që çmimi i energjisë elektrike të mbetet i pandryshuar edhe nga 1 janari, ndërsa konfirmoi se deri në fund të vitit tarifa do të mbetet e njëjtë. Gjatë deklarimit të tij pas hapjes së shkollës së re fillore në Hasanbeg, ai theksoi se ruajtja e stabilitetit energjetik është prioritet në kushtet e krizës energjetike, duke shtuar se çmimet e energjensave në rajon dhe në Evropë po thyejnë rekorde, ndërsa në vend çmimi i naftës dizel dhe benzinës pa plumb mbetet nën 1,6 euro për litër falë politikave qeveritare.

Lidhur me çmimin e SHA EMV prej 65 eurosh për megavat-orë, ai theksoi se në kushtet aktuale të bursave ky çmim është deri në tri herë më i ulët se në vendet fqinje dhe në Evropë, ndërsa shtoi se çmimi përfundimtar nuk varet vetëm nga EMV-ja, por edhe nga kërkesat e subjekteve të tjera, përfshirë operatorin dhe distributorin privat EVN.