Mbyllen disa shkolla në rajonin e Strugës për shkak të numrit të nxënësve
Për shkak të rënies së numrit të nxënësve, shkolla në fshatin Xhepin dhe disa objekte të tjera arsimore në rajonin e Strugës ndërpresin punën.
Redaksia ZHURMA · · 1 min lexim
STRUGË — Rajoni i Strugës po përballet me mbylljen e disa shkollave periferike shkaku i rënies drastike të numrit të fëmijëve. Në fshatin Xhepin, pas dyzet e dy vjetësh, objekti shkollor nuk do të hapë dyert për nxënësit. Tre nxënësit e mbetur atje do t'i vazhdojnë mësimet në fshatin Koroshishtë.
Një fat i ngjashëm e ka prekur edhe shkollën e fshatit Poum, e cila funksiononte që prej vitit pesëdhjetë e dy. Edhe aty janë vetëm tre nxënës, të cilët tash e tutje do të udhëtojnë deri në Dellogozhdë. Sipas të dhënave nga terreni, procesi i mbylljes përfshin gjithashtu shkollat e vendosura në Bogoicë dhe Nerez.
Kaim Dauti, drejtor i shkollës qendrore në Dollogozhdë, e ka cilësuar këtë situatë si një hap të vështirë por të pashmangshëm për ngritjen e cilësisë së edukimit dhe për të siguruar një ambient më të përshtatshëm socializimi për fëmijët. Statistikat e paraqitura tregojnë rënie të përgjithshme të numrit të nxënësve edhe në shkollat e tjera të zonës krahasuar me vitet e kaluara.
