LSDM: Qeveria po dëmton bizneset në Gostivar për dështimin me ujin
Agjencia e Ushqimit dhe Veterinarisë ka shqiptuar 30 gjoba dhe 12 ndalime pune për operatorët lokalë pas krizës së helmimit nga uji.
Redaksia ZHURMA · · Përditësuar · 1 min lexim
GOSTIVAR — Lidhja Social Demokrate e Maqedonisë ka akuzuar qeverinë e udhëhequr nga Hristijan Mickoski për dëmtimin e bizneseve lokale në Gostivar, pas masave ndëshkuese të ndërmarra për shkak të ndotjes së ujit. Sipas opozitës, bizneset po paguajnë çmimin e dështimit dhe paaftësisë së pushtetit lokal e qendror të OBRM-PDUKM-së.
Në këtë qytet, Agjencia e Ushqimit dhe Veterinarisë ka shqiptuar 30 gjoba dhe ka mbyllur 12 lokale gastronomike për shkak të ndotjes së rrjetit të ujësjellësit. LSDM thekson se furrat, tregtarët dhe furnizuesit e ushqimit janë viktima të neglizhencës shtetërore, pasi ata as nuk e ndotën ujin e as nuk e fshehën informacionin.
Opozita maqedonase e krahason këtë situatë me dështimin e qeverisë për të zbutur rritjen e çmimeve të naftës, duke thënë se gabimet e Mickoskit po i paguajnë sërish qytetarët dhe sektori privat.
Burim: Gazeta Express
— Redaksia ZHURMA
