Si do të ndryshojë dhurimi i organeve në Maqedoni?
Çfarë lejon zgjerimi i rrethit të dhuruesve të gjallë deri në kushërinjtë e parë?
SHKUP — Qeveria e RMV-së miratoi sot Projektligjin për ndryshimin e Ligjit për marrjen dhe transplantimin e pjesëve të trupit për qëllime shërimi, me propozim të Ministrisë së Shëndetësisë.
Çdo qytetar madhor, gjatë vizitës te mjeku amë, do të japë deklaratë nëse pajtohet që pas vdekjes të jetë dhurues organesh. Kjo do të regjistrohet në sistem elektronik "Termini im", me mundësi ndryshimi të vendimit në çdo kohë.
Për herë të parë shteti do të ketë pasqyrë të saktë mbi gatishmërinë e qytetarëve. Zgjerohet edhe rrethi i dhuruesve të gjallë: përveç të afërmve deri më tani, përfshihen edhe të afërm në vijë anësore deri në shkallën e katërt — përfshirë kushërinjtë e parë. Mbetet në fuqi komisioni etik për verifikimin e vullnetarizmit.
"Me këtë zgjidhje ligjore bëjmë një hap të rëndësishëm drejt një sistemi në të cilin vullneti i qytetarit do të shprehet qartë", tha ministri i Shëndetësisë, Azir Aliu. Ndryshimet thjeshtojnë edhe procedurat për përcaktimin e vdekjes së trurit.
Burim: Telegrafi
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.