Bogujevci: Mbi 58 milionë euro buxheti i kulturës për vitin 2027

Ministria e Kulturës dhe Turizmit do të ketë buxhet mbi 58 milionë euro për vitin 2027, sipas një njoftimi nga ministrja Saranda Bogujevci. Ky financim dedikohet për mbështetjen e artit, librit, trashëgimisë kulturore, institucioneve të kulturës, sektorëve kreativë dhe zhvillimit të turizmit. «Vazhdojmë të punojmë për më shumë mundësi për artistët dhe krijuesit, institucione më të fuqishme kulturore, mbrojtjen e identitetit dhe vlerave tona, si dhe zhvillimin e turizmit», ka shkruar ajo.

Ndërkohë, ministri i Sportit dhe Rinisë, Blerim Gashani, ka bërë të ditur se për ministrinë e tij parashihet një buxhet prej 69.99 milionë eurosh për të njëjtin vit. Gashani ka deklaruar se ky fond do të sigurojë mbështetje të vazhdueshme për sportistët, trajnerët dhe organizatat sportive, si dhe për zbatimin e projekteve strategjike në fushën e rinisë. «Ky buxhet do të mundësojë vazhdimin e mbështetjes për sportistët, trajnerët dhe organizatat sportive, si dhe zhvillimin e projekteve strategjike në fushën e sportit dhe rinisë», ka shkruar ai, ndërsa projektbuxheti për vitin 2027 mori miratimin e Qeverisë së Kosovës.