Kurti promovon libër për Nënë Terezën: Ajo u shndërrua në urë, jo në mur

Kryeministri në detyrë, Albin Kurti, ka njoftuar promovimin e veprës "Udha misionare e Gonxhe Bojaxhiut drejt Nënë Terezës universale", të autorëve Skënder Asani dhe Albert Ramaj, në 29-vjetorin e vdekjes së Nënë Terezës dhe në përvjetorin e shenjtërimit të saj nga Papa Françesku. Në një shpjim publik, Kurti ka vlerësuar kontributin e saj në humanizëm, solidaritet dhe dashuri për njerëzit, duke theksuar se "ajo u shndërrua në urë, jo në mur".

Sipas Kurti, vepra përmban dëshmi, dokumente, letra dhe fotografi që e paraqesin rrugëtimin e Gonxhe Bojaxhiut nga familja e saj shqiptare në Shkup, me prindër nga Prizreni dhe Gjakova, deri te figura universale. Kryeministri ka thënë se, edhe tri dekada pas vdekjes së saj, jeta dhe vepra e Nënë Terezës vazhdojnë të ofrojnë mësime për njerëzoren, paqen dhe bamirësinë, duke e falënderuar autorët për kontributin në dokumentimin e jetës së një prej figurave më të ndritura që shqiptarët i kanë dhuruar botës.