Tre vushtrriasit zhduken rrugës nga aeroporti i Shkupit drejt Kosovës
Familjarët kërkojnë ndihmë për lokalizimin e tyre, pasi Ejup Ternava, Cennet Ternava dhe Fatmire Shabani u nisën nga aeroporti i Shkupit rreth orës 22:00
Tre persona janë raportuar të zhdukur, ndërsa familjarët e tyre kanë apeluar për ndihmën e qytetarëve në lokalizimin e tyre. Sipas njoftimit nga familjarët, bëhet fjalë për Ejup Ternavën, Cennet Ternavën dhe Fatmire Shabanin, të cilët janë parë për herë të fundit mbrëmjen e së shtunës, rreth orës 22:00, në Shkup. Ata ishin nisur nga aeroporti në drejtim të Kosovës, por që nga ai moment nuk është arritur më asnjë kontakt me ta dhe vendndodhja e tyre mbetet e panjohur.
Ata po udhëtonin me një veturë Mercedes GLC me ngjyrë blu, me targa MR-DT 2025. Familjarët u bëjnë thirrje të gjithë qytetarëve që, nëse kanë parë personat ose automjetin, apo posedojnë çfarëdo informacioni që mund të ndihmojë në gjetjen e tyre, të kontaktojnë menjëherë familjarët ose Policinë.
Sipas disa të dhënave të mëhershme, 2 prej personave mendohet se janë marrë nga aeroporti i Shkupit dhe përgjatë rrugës për në Kosovë, ende pa kaluar kufirin, janë rrëzuar. Në media, një ditë më parë u raportua për tre personat e raportuar të zhdukur, ndërkohë që familjarët e tyre apelonin për ndihmën e qytetarëve në lokalizimin e tyre.
Burimet e Alsat bëjnë të ditur se makina sapo është gjetur e përmbysur dhe rënë në afërsi të kufirit me Kosovën. Çdo informacion mund të jetë i rëndësishëm. PËRDITËSIM (21 korrik 2026): Ejup Tërnava, Cennet Tërnava dhe Fatmire Shabani u gjetën të pajetë — automjeti i tyre kishte dalë nga segmenti i papërfunduar i autostradës Shkup–Bllacë, afër pikëkalimit Hani i Elezit. Të tre u përcollën në banesën e fundit në Vushtrri më 21 korrik.
— Burim: Telegrafi, https://telegrafi.com/tre-persona-zhduken-pasi-u-nisen-nga-shkupi-drejt-kosoves-familjaret-kerkojne-ndihme/
— Redaksia ZHURMA