Kryeprokurori i Shtetit viziton Prokurorinë Themelore në Gjilan
Zejnulla Gashi zhvillon vizitë zyrtare në Gjilan, ku diskutohet për performancën institucionale, korrupsionin dhe sfidat e sistemit prokurorial.
Redaksia ZHURMA · · 1 min lexim
GJILAN — Kryeprokurori i Shtetit, Zejnulla Gashi, ka realizuar një vizitë zyrtare në Prokurorinë Themelore në Gjilan, ku është pritur nga kryeprokurori Arben Kadriu dhe prokurorët e kësaj njësie për të shqyrtuar performancën institucionale. Gjatë këtij takimi, në të cilin Gashi është shoqëruar nga Zëvendëskryeprokurori i Shtetit, Bahri Hyseni, si dhe prokurori Veton Shabani, është kërkuar rritje e efikasitetit në trajtimin e lëndëve penale dhe forcim i sundimit të ligjit.
Vëmendje e veçantë gjatë bisedimeve i është kushtuar veprave penale kundër detyrës zyrtare dhe rasteve të dhunës në familje. Për më tepër, drejtuesit e prokurorisë kanë ngritur si shqetësim kryesor vonesat në realizimin e ekspertizave nga Agjencia e Kosovës për Forenzikë dhe Instituti i Mjekësisë Ligjore, pengesa këto që ndikojnë në përfundimin me kohë të procedurave hetimore. Kryeprokurori Gashi ka theksuar se këto vështirësi tashmë janë adresuar në Ministrinë e Punëve të Brendshme dhe Ministrinë e Drejtësisë, ndërsa ka garantuar mbështetje institucionale për prokurorët vendas në përmbushjen e përgjegjësive ligjore.
