Çfarë mesazhi solli kongresmeni amerikan Keith Self në Luginën e Preshevës?
Keith Self, kryetar i Nënkomitetit për Evropën, vizitoi Preshevën; veprimtari shqiptaro-amerikan e quajti mesazh për ruajtjen e paqes në rajon.
PRESHEVË — Një delegacion zyrtar i Kongresit të SHBA-së, i udhëhequr nga Keith Self, kryetar i Nënkomitetit për Evropën në Komisionin për Punë të Jashtme, ka vizituar Luginën e Preshevës.
Veprimtari shqiptaro-amerikan Harry Bajraktari e cilësoi vizitën si historike dhe mesazh të rëndësishëm për shqiptarët në Preshevë, Medvegjë dhe Bujanoc. Sipas tij, vizita dëshmon se shqiptarët në Luginë "nuk janë harruar" dhe zëri i tyre vazhdon të dëgjohet në Washington.
Bajraktari theksoi se Self po ndjek rrugën e Eliot Engel, mik i shqiptarëve, i cili kishte vizituar rajonin në 2019. Ai falënderoi Kongresin për mbështetjen dhe komunitetin shqiptaro-amerikan në Texas për punën për "çështjen kombëtare".
Burim: Telegrafi
— Redaksia ZHURMA