Komuna e Kumanovës shpall konkurs për suvenirin qytetit 2026

KUMANOVË — Komuna e Kumanovës ka shpallur konkursin për përzgjedhjen e „Suvenirit të Komunës së Kumanovës për vitin 2026“. Konkursi është i hapur për persona fizike dhe juridike që dëshirojnë të paraqesin ide për një produkt autentik që do të simbolizojë qytetin. Sipas njoftimit zyrtar, suveniri i përzgjedhur duhet të pasqyrojë veçoritë karakteristike të Kumanovës, traditën, si dhe trashëgiminë kulturore dhe historike të saj. Qëllimi është të promovohen kreativiteti, punimet artizanale dhe produktet autentike, duke krijuar në të njëjtën kohë një suvenir që mund të shërbejë edhe si mjet për promovimin turistik të qytetit. Kërdetë e konkursit kërkojnë që ideja të përmbajë elemente karakteristike të Kumanovës dhe të jetë e përshtatshme për prodhim në seri, në mënyrë që produkti të prodhohet në sasi më të mëdha dhe të përdoret për promovimin e identitetit të qytetit.