Kim Mehmeti: Protestat kundër Speciales t’i organizojë populli

Në një shkrim të tij, Kim Mehmeti thotë se jo vetëm në Prishtinë, por kudo nëpër trevat shqiptare, duhet të protestohet kundër dënimeve të krerëve të UÇK-së nga Gjykata Speciale e Hagës. Sipas tij, këto protesta nuk duhet t’i organizojë as OVL, as ndonjë parti tjetër, por vetëm pronari i vërtetë i vlerave të saj – populli dhe rinia shqiptare.

Mehmeti shkruan se kur populli t’i marrë në duart e veta protestat, do ta kumtojë të vërtetën se duhet t’i lash dhëmbët e gojës tri herë me radhë para se të përmendësh familjet Jashari, Haradinaj, Gërvalla. Ai shton se duhet të jesh qelbësirë e një lloji të veçantë që këto protesta t’i përdorësh për qëllime partiake.

Autori përmend se një nga çvlerësimet që iu bënë UÇK-së është se u lejua që si pronarë të saj të vetëshpalleshin drejtues të OVL-së, të PDK-së, të AAK-së, të BDI-së, si dhe disa opinionistë që publikisht shfaqnin dëshirën për t’i parë në burg ish-drejtuesit e saj.