Karanxha: Dhuna në protesta është e papranueshme, drejtësia ka probleme

I ftuar në emisionin «Ora e Njëmbëdhjetë», ish-prokurori Ervin Karanxha është shprehur se dëmtimi i pronës private dhe publike gjatë protestave është i papranueshëm, ndërsa ka shtuar se e drejta për të protestuar mbetet legjitime për qytetarët që kërkojnë të shprehin pakënaqësitë e tyre në mënyrë paqësore. Sipas tij, në një shoqëri demokratike rruga e vetme e zgjidhjes mbetet dialogu mes palëve.

Karanxha ka përmendur gjithashtu se kryeministri Edi Rama ka qenë i hapur për dialog, ndërsa ka evokuar edhe zhvillimet e kaluara politike përgjatë 35 viteve në vend, duke përfshirë ngjarjet e vitit 1997. Lidhur me sistemin gjyqësor, ai ka ngritur shqetësimin se ky sektor paraqet probleme të shumta dhe funksionon si instrument për interesa personale.