Kara: Nuk jam arrestuar, raportimet janë dezinformata

Pronari i spitalit privat “Sante Plus”, Bilal Kara, ka reaguar ndaj informacioneve të shpërndara në media rreth një arrestimi të pretenduar, duke i hedhur poshtë kategorikisht pretendimet e tilla. Në një deklaratë për publikun, ai ka bërë të ditur se ndodhet në vendin e tij të punës dhe se nuk është privuar nga liria. «Asnjëherë nuk jam arrestuar. Këto janë dezinformata. Jam qytetar i lirë dhe ndodhem në vendin tim të punës», u shpreh ai, duke kërkuar që të mos publikohen spekulime.

Gjithashtu, Kara ka theksuar se është plotësisht i gatshëm të bashkëpunojë me institucionet kompetente dhe organet hetimore të Maqedonisë së Veriut. Sipas tij, i gjithë dokumentacioni i nevojshëm gjendet në dispozicion të autoriteteve përkatëse.