Pse u vra ish-basketbollisti i Golden Eagle Yllit?
Kinu Rochford, 35-vjeçar, u qëllua me armë zjarri gjatë një turneu basketbolli në Harlem të Nju Jorkut
Ish-basketbollisti i Golden Eagle Yllit, amerikani Kinu Rochford, ka ndërruar jetë në moshën 35-vjeçare, pasi u qëllua me armë zjarri gjatë një turneu basketbolli në Harlem të Nju Jorkut. Sipas raportimeve, ngjarja ndodhi në fushën e basketbollit “Kingdome”, në Lenox Avenue, ku Rochford dyshohet se u përfshi në një konflikt me një person tjetër, i cili më pas e qëlloi në kokë.
Sipas Telegrafit, autoritetet kanë nisur hetimet për zbardhjen e plotë të rrethanave të ngjarjes. Rochford u transportua me urgjencë në spitalin Mount Sinai Morningside, por mjekët nuk arritën t’ia shpëtonin jetën dhe e shpallën të vdekur.
Burim: Klan Kosova, Gazeta Express, https://klankosova.tv/vritet-me-arme-zjarri-ish-basketbollisti-i-golden-eagle-yllit/ — Redaksia ZHURMA