Isa Mustafa kërkon drejtësi dhe paanshmëri ndërsa qytetarët mbajnë marshin

Ish-kryeministri i Kosovës, Isa Mustafa, ka kërkuar drejtësi dhe paanshmëri për ish-drejtuesit e Ushtrisë Çlirimtare të Kosovës që po përballen me gjykimin në Hagë, duke theksuar se vendi pret rikthimin e tyre në atdhe.

Kjo thirrje vjen në kohën kur në sheshin e kryeqytetit po zhvillohet marshi protestues, ku pjesëmarrësit dhe figurat publike kanë shprehur mbështetjen e tyre. Gjatë transmetimeve televizive, ish-ushtarja e lirisë Aida Dërguti u përfshi nga emocionet teksa fliste për rrugëtimin e çlirimit dhe sakrificën e djemve dhe vajzave të vendit.