Mexhiti: Në Çair po punohet në çdo rrugë e lagje

SHKUP — Kryetari i Komunës së Çairit, Izet Mexhiti, ka bërë të ditur se punimet në projekte të ndryshme infrastrukturore janë duke u zhvilluar në të gjithë territorin e kësaj komune. Sipas tij, investimet përfshijnë infrastrukturën nëntokësore, ndërtimin dhe rikonstruksionin e rrugëve, trotuareve dhe hapësirave publike.

Mexhiti theksoi se ritmi i punëve është i dukshëm çdo ditë dhe se fokusi kryesor mbetet realizimi i projekteve që përmirësojnë jetën e qytetarëve. Ai shtoi se po punohet në çdo rrugë e lagje, me synim qeverisjen përmes punës, investimeve dhe rezultateve konkrete.

Burim: Shenja
— Redaksia ZHURMA