Banka Popullore: Vendimi serb nuk prek Alta Bankën në Maqedoni

Banka Popullore e Maqedonisë së Veriut ka bërë të ditur se vendimi i Bankës Popullore të Serbisë për heqjen e licencës së operimit të Alta Bankës në Beograd nuk sjell revokimin automatik të licencës për Alta Bankën SHA Manastir. Sipas institucionit, masa e marrë nga autoritetet serbe lidhet ekskluzivisht me aktivitetin e bankës në Serbi, ndërsa entiteti në vend është i pavarur. «Banka vendore është person juridik i pavarur, i themeluar dhe i regjistruar në Republikën e Maqedonisë së Veriut, veprimtaria e së cilës vlerësohet në përputhje me kornizën ligjore dhe rregullatore vendore», thuhet në njoftimin e lëshuar për publikun.

Autoriteti mbikëqyrës ka theksuar se po e ndjek situatën nga afër dhe çdo rrethanë që mund të ndikojë te funksionimi i bankës, përfshirë strukturën pronësore. Përfitimi i një pjesëmarrjeje të kualifikuar në një bankë realizohet përmes një procedure të plotë, ku shqyrtohen kriteret ligjore mbi bazën e të dhënave zyrtare. Institucioni u ka bërë thirrje qytetarëve t'i referohen vetëm informacioneve të verifikuara dhe të shmangin spekulimet. «Banka Popullore do të vazhdojë ta ndjekë me kujdes gjendjen dhe të veprojë në mënyrë të pavarur, profesionale dhe ekskluzivisht në përputhje me kompetencat e saj ligjore, në interes të sigurisë së sistemit bankar dhe mbrojtjes së depozituesve», përfundon njoftimi.

Siç raportoi Zhurma më 31 tetor 2026, partia opozitare LSDM kishte kërkuar masa urgjente dhe përgjegjësi nga kryeministri Mickoski dhe guvernatori Sllaveski pas zhvillimeve me Alta Bankën në Serbi.