Hamza: Gjyqtarët e Hagës të mendojnë për pasojat para vendimit

PRISHTINË — Kryetari i Partisë Demokratike të Kosovës, Bedri Hamza, ka mbajtur fjalim në Marshin për Lirinë në sheshin “Skënderbeu” në Prishtinë, ku u ka bërë thirrje gjyqtarëve në Hagë që të mendojnë për pasojat para se të marrin vendimin më 16 shtator. Hamza tha se Kosova kujton, nderon dhe mbron sakrificën e Ushtrisë Çlirimtare të Kosovës, duke shtuar se vendimi që do të lexohet në Hagë do të ndjehet nga familjet e dëshmorëve, veteranët e luftës, nënat dhe fëmijët që u rritën pa baballarë. Ai theksoi se një vendim i drejtë do ta forconte drejtësinë, ndërsa një vendim i padrejtë do ta shkatërronte atë dhe do të përbënte dënim për Kosovën.