Gjokoviq dënohet 10 vjet burg për krime lufte në Ozdrim
Gjykata Themelore në Prishtinë e ka dënuar Millorad Gjokoviqin, i njohur si 'Mici', me 10 vjet burg për krime lufte në Ozdrim të Pejës.
Redaksia ZHURMA · · Përditësuar · 1 min lexim
PRISHTINË — Gjykata Themelore në Prishtinë e ka dënuar Millorad Gjokoviqin, i njohur si 'Mici', me 10 vjet burg për krime lufte në Ozdrim të Pejës. Gjokoviq akuzohet se si polic rezervë i Serbisë, në bashkëkryerje me persona të tjerë, bastisën, rrahën, maltretuan dhe arrestuan me dhjetëra civilë shqiptarë. Gjykata e ka dënuar për 'Krime lufte kundër popullsisë civile', sipas nenit 142 të Ligjit Penal të ish-Jugosllavisë.
Kryetarja e trupit gjykues, Donika Shala-Abdyli, ka thënë se Gjokoviq nuk ka marrë pjesë në vrasje, por ka organizuar veprime kundër civilëve. Dëshmitarët e rastit, si Halit Gashi, kanë paralajmëruar ankesë, duke thënë se Gjykata nuk ka dënuar për vrasje. Prokuroria Speciale ka mirëpritur vendimin, por nuk ka përjashtuar mundësinë e ankesës.
