Jashari takon gjeneralin amerikan Lampe, diskutojnë partneritetin FSK–Garda e Ajovës
Gjenerallejtënant Jashari uroi gjeneral Lampe për detyrën e re, ndërsa diskutuan për bashkëpunimin në kuadër të Programit të Partneritetit Shtetëror.
Redaksia ZHURMA · · 1 min lexim
Gjenerallejtënant Bashkim Jashari, komandant i Forcës së Sigurisë së Kosovës (FSK), ka pritur zëvendësadjutantin e përgjithshëm të Gardës Kombëtare të Ajovës, gjeneral brigade Charles H. Lampe. Në takim, të dy diskutuan për thellimin e bashkëpunimit ndërmjet dy forcave, duke theksuar rëndësinë e partneritetit afatgjatë ndërmjet Kosovës dhe Ajovës.
Sipas njoftimit të FSK-së, palët diskutuan për zhvillimin e aktiviteteve të përbashkëta, shkëmbimin e përvojave dhe avancimin e kapaciteteve profesionale, në kuadër të Programit të Partneritetit Shtetëror. Jashari vlerësoi përkrahjen e vazhdueshme të Gardës Kombëtare të Ajovës në zhvillimin e FSK-së, duke e cilësuar partneritetin si shembull të bashkëpunimit të përkushtuar.
