Karbohidratet përbëjnë burimin kryesor të energjisë për trupin e njeriut

Pavarësisht reputacionit të krijuar nga dietat me karbohidrate të ulëta, ato mbeten burimi kryesor i energjisë për trupin tuaj. Sipas klinikës “Mayo Clinic”, afërsisht 45-65 për qind e kalorive të cilat i konsumoni në ditë duhet të vijnë nga karbohidratet, sidomos në rastet kur bëni ushtrime fizike.

Në vend të karbohidrateve të thjeshta që gjenden tek ëmbëlsirat dhe ushqimet e përpunuara, rekomandohet fokusi tek karbohidratet komplekse që mund t'i gjeni tek pemët, perimet, fasulet dhe drithërat. Drithërat e plota treten më ngadalë nga organizmi, mbajnë trupin të ngopur më gjatë, stabilizojnë nivelet e sheqerit në gjak dhe ofrojnë vitaminat e mineralet e nevojshme për funksionimin e trupit.