Gjendet granatë dore në një veturë në Prizren — evakuohen banorët

PRIZREN — Një granatë dore e pashpërthyer u gjet dje në një veturë, në oborrin e një shtëpie. Njësitet policore, pasi morën informacionin për rastin, dolën në vendin e ngjarjes dhe vërejtën mjetin e dyshuar brenda automjetit, transmeton lajmi.net.

Lidhur me rastin, njësitet policore siguruan vendin e ngjarjes dhe evakuuan banorët. Më pas, njësitet e deminimit dolën në vendin e ngjarjes për ta trajtuar mjetin e dyshimtë.

Mjetin e dyshuar e kanë shpërthyer njësitet e deminimit në mënyrë të sigurt dhe të kontrolluar.

Burim: Lajmi.net
— Redaksia ZHURMA