Pse u kthye Festivali Moto dhe Rock në Korçë?

— Korça u kthye për dy netë me radhë në qendrën e muzikës rock dhe motorëve përmes festivalit "Moto & Rock". Aktiviteti solli një atmosferë të veçantë në qytet, duke tërhequr qindra vizitorë nga vendi dhe rajoni, që iu bashkuan pasionit për motorët dhe muzikën live.

Kryeministri Edi Rama ndau sot një album fotografish me momente nga ky organizim i veçantë, në rrjetet sociale. Muzika, energjia dhe pasioni për motorët e automjetet klasike u ndërthurën në një aktivitet që solli gjallëri në qytet, por edhe promovoi Korçën si një destinacion të rëndësishëm për organizimin e eventeve kulturore dhe turistike.

Burim: ATSH
— Redaksia ZHURMA