Pse u mbajt festa e serbëve në Gazimestan?

GAZIMESTAN — Me këngë e lutje fetare ka përfunduar festa e serbëve në Gazimestan, afër Obiliqit. Qindra serbë nga Kosova u mblodhën më 28 qershor 2026 në shënimin e festës së ashtuquajtur "Vidovdan". Si shkak i mbledhjes, u krijuan kolona të gjata të automjeteve në magjistralen Prishtinë–Mitrovicë. Policia kontrolloi nëse marrësit e pjesë mbanin me vete ndonjë simbol që nxjerrte urrejtje ndëretnike; sipas zyrtarëve policorë në terren, situata ka qenë e qetë.

Data 28 qershor shënon zhvillimin e Betejës së Kosovës, ku koalicioni i ushtrive të popujve të Ballkanit pësoi humbje nga Perandoria Osmane. Beteja u zhvillua më 28 qershor (15 qershor sipas kalendarit të vjetër), 1389 në Fushën e Kosovës, midis koalicionit të princave të Ballkanit, të prirë nga princi Lazar, dhe forcave otomane të udhëhequra nga sulltani Murati I (mbretëroi 1360–1389). Në betejë u vranë të dy liderët, Princi Lazar dhe Sulltan Murati, si dhe shumë princër të tjerë. Të dy ushtritë gati se u zhdukën fare. Por Perandoria Otomane kishte resurse të ngrinte një ushtri të re për kohë më të shkurtër; popujt e Ballkanit nuk kishin mundësi të merrnin veten shpejtë dhe shumica u poshtuan nga sundimi otoman.

Nën sundimin e Sulltan Muratit I, otomanët zgjeroi sundimin nga Anadolli në Ballkan. Në betejë luajtën edhe ushtarë të popujve dhe princër vasalë të tyre, përfshirë të krishterë, ndërsa në anën tjetër ishte koalicioni i princave të Ballkanit, ndër ta shumë princa shqiptarë. Dihet se Princi Lazar u vra, por rrethanat nuk janë të qarta. Princ serbi Vuk Brankoviq, duke parë se beteja nuk mund të fitohej, u tërhoq për të shpëtuar ushtarë; në tregimet serbe ai cilësohet si tradhtar. Sulltan Murati I u vra nga Milosh Obiliqi, një nga heronjt kryesorë të legjendës. I biri i Muratit, Bajaziti I, u bë sulltan dhe vazhdoi fushatën, por u mund afër Ankarasë nga trupat mongole të Timurlengut më 1403. Kjo u dha mundësi zotërinjve shqiptarë të forcojnë pozitat: familjet Balshaj, Dukagjini, Zahariaj në veri; Kastrioti, Topiaj, Arianiti, Muzakaj, Gropaj në qendër; Shpataj, Zenebishit në jug. Venediku mori qytetet bregdetare nga Gjiri i Kotorit deri në Artë — Budva, Ulqini, Shkodra, Lezha, Durrësi, Parga — duke formuar atë që quhet Arbëria Venedikase.

Nuk ka shumë të dhëna të sigurta për Betejën e Kosovës; shumica janë kontradiktore, prandaj ngjarja sot dihet më shumë për mitet rreth saj se për faktet historike.

Burim: Lajmi.net, https://lajmi.net/perfundon-festa-e-serbeve-ne-gazimestan/
— Redaksia ZHURMA