Emin Azemi: Daut Dauti, ambasadori i pashpallur i Kosovës në Londër

Publicisti Emin Azemi i ka kushtuar një shkrim të ndjerë ndarjes nga jeta të Daut Dautit, gazetarit, historianit dhe kronistit shqiptar që jetoi në Londër. Në homazh, Azemi e quan Dautin “ambasador të pashpallur” të Kosovës në Mbretërinë e Bashkuar dhe shpreh keqardhje që Prishtina zyrtare nuk e emëroi kurrë ambasador në Londër.

Azemi rrëfen edhe komunikimin e fundit me Dautin, më 22 gusht, kur ky i fundit i shkruante: “Tung Emin, sipas mjekëve nuk jam mirë. Sipas tyre më kanë mbetur disa javë ose disa muaj.” Azemi thotë se ky mesazh tregonte dinjitet njerëzor përballë parashikimit mjekësor, por lajmi për vdekjen e tij erdhi më shpejt se sa pritej.