Dy zjarre brenda pak minutash në Vlorë

VLORË — Dy vatra zjarri kanë rënë pothuajse në të njëjtën kohë në qytetin e Vlorës, duke detyruar forcat zjarrfikëse të ndajnë ekipet për të ndërhyrë paralelisht në të dyja ngjarjet. Sipas informacioneve paraprake, zjarri i parë ka përfshirë një fast food, ku dyshohet se shkak i flakëve ka qenë shpërthimi i një bombole gazi.

Zjarri i dytë përfshiu një kabinë elektrike pranë shkollës “Ali Demi”, ku flakët u përhapën me shpejtësi. Shërbimet zjarrfikëse ndërhynë menjëherë, duke stakuar linjën elektrike dhe duke neutralizuar zjarrin, i cili rrezikonte edhe banorët e pallatit aty pranë.

Fatmirësisht, nga të dyja ngjarjet nuk raportohet për persona të lënduar, por vetëm dëme materiale. Autoritetet po punojnë për përcaktimin e plotë të shkaqeve të zjarreve. Burim: Euronews Albania, https://euronews.al/dy-zjarre-brenda-pak-minutash-ne-vlore-digjet-fast-food-i-dhe-nje-kabine-elektrike/
— Redaksia ZHURMA