Stier: Armatimi serb dhe blerja e armëve sulmuese përbëjnë shqetësim

Eurodeputeti kroat, Davor Ivo Stier, ka deklaruar gjatë një interviste se armatosja e Serbisë përbën shqetësim për rajonin. Ai ka theksuar se shqetësimi lidhet jo vetëm me riarmatimin, por edhe me blerjen e armëve sulmuese, siç janë raketat balistike të siguruara nga Kina, duke shtruar pyetjen se për çfarë i duhen Serbisë këto armë.

Sipas tij, Parlamenti Evropian ka qenë institucioni më kritik ndaj regjimit në Beograd dhe ka kërkuar nga Komisioni Evropian që të ndryshojë qasjen dhe të ndalojë financimin, pasi politikat e deritanishme nuk kanë sjellë rezultate pozitive. Stier ka shtuar se regjimi serb nuk po bën asnjë përparim drejt vlerave evropiane dhe se pas sulmit të Banjskës, Parlamenti Evropian ka kritikuar ashpër përgjigjen e institucioneve të tjera.